Si Call Girl

Wala akong lablayp pero may espesyal samwan ako (landi!) Ahem! Syempre kumbaga sa pagkain laging may espesyal na klase tulad ng special ensaymada, special palabok, special kare-kare, special halo-halo (mga ganun!)

Kahapon, habang nagkukutingting ako at nagsusurfin' USA ako sa net, biglang nag-ring ang aking phone. Di ko kilala ang number. Kapag di ko kilala ang number, usually di ko sinasagot o pinapansin lalo na sa text at walang pagpapakilala. Pero medyo naintriga ako. Naisip ko baka si ANO ito. So, inaccept ko ang tawag pero di ako nag-hello. May pagka praning kasi ako eh kaya ayokong sumagot talaga ng di ko kilala ang tumatawag.

Babae ang nasa kabilang linya. Tawagin natin siyang si Call Girl. Eto ang natandaan kong usapan (di ito eksakto.. maaaring may dagdag-bawas)


Call Girl: Hello? Helloooo...

Klet: (after mga 5 seconds) Hello...

Call Girl: Hello, can I speak with ANO.

Klet: (Nagulat...napa-isip kung bakit sa akin tumatawag ang hitad) Ah.. eh..(di ko masabi na di naman dito nakatira si ANO at bakit sakin hinahanap)...wala siya.. nasa work. Who's this?

Call Girl: Ah si Call Girl po.

Klet: (medyo di ko kasi maintindihan ang pangalan niya kaya..) Call Gay?

Call Girl: Call Girrl..

Klet: Colgate?

Call Girl: CALL GIRL

Klet: Ahh Call Girl...Bakit kaya? (syempre since tumawag siya, pwede akong magtanong at di naman niya alam kung sino ako)

Call Girl: Ah friend niya po ako. May itatanong lang po sana.

Klet: (Friend pala ha!) Wala eh... panggabi kasi siya...

Call Girl: Sa Globe po ba siya?

Klet: (Mausisa din ang bruha ha!)Hindi..

Call Girl: Sa Alabang?

Klet: Di, sa Makati...sa TUUUUTTT

Call Girl: San po dun?

Klet: (Malay ko!) Ahm sa TUUUUUUTTTT...

Call Girl: Ah ganun po ba? Sige po tatawag na lang po ulit ako

Klet: Ah ok (Ako pa din ang sasagot sa iyo bwahaha!)


After noon, napaisip ako. As in super isip at madaming tanong. Nagkamali kaya si ANO ng binigay na number o sinadya niya? Bakit kaya tumawag yung call girl na yun? Friends sila, o feeling close? Type kaya ni ANO yun o yung girl ang may type kay ANO? Ano kaya yung itatanong? Tatawag pa kaya siya? Ano kaya ang iisipin ni Call Girl kung malaman niya na napakalayo ng tinatawagan niya? At etcetera etcetera pang mga tanong...madami!!!

Nakakatawa na nakakainis at nakakatuwa. Nakakatawa kasi di alam ni girlash na wala talaga ang hinahanap niya. Nakakainis kasi syempre bat hinahanap niya si ano (pero di ko siya bi-ep ha wakokokokok wla lang! chikret!!!!) At nakakatuwa kasi feeling ko iniisip niya ako hahaha joke lang!

Kanina, nakausap ko si ANO. Sinabi ko na may tumawag, GF niya sabi ko. "Ano ka ba?" sabi niya... sasagutin ko sana ng "TAO! Baket di mo ba alam yun?" pero wala lang ang sagot ko (kunwari di ko alam na tao ako) Anyway, napagkwentuhan namin si Call Girl. Sabi ko mukhang may type sa kanya (kasi tumatawag wala naman matinong reason.. kunwari lang yung magtatanong... bolahin niya ang lelang niyang kulubot!) Di daw niya type yun. Yiheee!!!!

Kung sino si Call Girl, nakasama daw niya ito sa isang training sa call center. Nagkapalitan siguro sila ng number kaya keep-in-touch ang drama ng lola. 3 weeks din daw kasi silang nagkasama sa training kaya medyo parang friend-friend pero di niya close kasi lalake ang gusto niya ahay! joke lang! Lalake ang mga friends ni boylet. Naging usapan daw kasi nila na "nobody's gonna left behind." So baka daw inaalam lang kung may work na siya at baka magpatulong (Talaga lang ha?!) Anyway sinabi naman niya na wala siyang masamang intensyon sa pagbibigay ng number ko. Nakasanayan lang niya siguro na number ko minsan ang binibigay kahit walang dahilan. Yihee!

Tinanong ni ANO kung ini-English daw ba ako. Sabi ko "hindi"... "Subukan lang niya kundi, makakatikim siya ng katarayan ko" Alam kasi ni ANO na naiinis ako sa Englisera na di naman maintindihan. Kasi siya Englisero na di maintindihan kaya ayun!