Internet Addiction

Ang sabi nila, ang ADDICTION daw ay isang obsessive-compulsive disorder. Naoobsess ka sa isang bagay at di mo mapigilang gawin nang paulit-ulit hanggang maging dependent ka na dun psychologically and physically habit-forming.

Maraming klase ng addiction at ilan dito ang pagiging adik sa shopping, food, gambling, sex, alcohol, porn, shoplifting, at internet addiction na hanggang ngayon ay pinagdedebatehan pa kung ito nga ba ay ihahanay sa mga psychological disorders na nakatala sa Diagnostic and Statistical Manual of Mental Disorders o DSM IV.


photo source: seedpublishers.com


Ang internet addiction din ay maraming klase tulad ng addiction sa online games, ebay, blogging, forum, cybersex, porn, social networking (friendster, myspace, multiply, facebook, etc.)chatting or instant messaging, atbp.

Maaaring ang ilan ay di aamin na sila ay adik. Malalaman na lang nila at matatanggap ang katotohanan pagkatapos nilang maka-get over sa adiksyon.

Adik ka ba? Gusto mo bang malaman kung adik ka nga? Try mo itong Internet Addiction Test (IAT) at alamin kung gaano ka na ba ka-hook sa internet.