Diet

Diet! Diet! Diet!

Hindi si Deither Ocampo kundi diet na pagpapapayat ang ibig kong sabihin. Kelangan ko talaga ito.

Matagal ko nang plano pero di ako masyadong nagiging successful. Ilang taon na ba akong nagpipilit. May panahong nagpapa-uto ako sa mga diet pills pero lalo lang akong lumolobo.

Noong nakaraang December (2008), namili na ako ng mga kakailanganin ko sa isang diet program kuno na pang-tatlong araw lang ngunit ayon sa aking dating kasama sa trabaho ay super effective. Syempre, pag sinabing effective, maniniwala ako. Sinuportahan naman ng pagpapatunay ng mga kasamahan namin na nabawasan nga ang kanyang timbang at size noong ginawa nya yoon.


Gumastos ako ng 500 noon dahil December, ang mga gulay na gamit sa mga handaan ay tumataas ang presyo. Pero dahil nga Christmas Season, malakas ang tawag ng tukso kaya ang mga gulay ay gamit ko sa diet ay nalanta lang ay nasira. How sad.

May mga panahon naman na talagang gumagana ang aking mind power at namomotivate ako na magbawas ng timbang. Kasama itong gumagana na ito sa sinasabi kong "di masyadong successful" meaning, may part na nabawasan ng kaunti ang katabaan ko.

Di naman ako super laki. Masasabi kong overweight na ako ng konti. Dati kasi mataba lang ako pero nasa normal pa ang BMI o Body Mass Index ko. Ngayon, medyo nakakain yata ako ng bakal at bato kaya nag-over ako sa timbang. Wala na akong balak maging obese. Tama na ito.

Dahil nga ang mga pills ay di gaanong effective at pagkatapos nito ay doble o triple ang bumabalik na timbang sa akin. Tinigil ko na. Bukod doon, ayoko nang namimilipit sa sakit ng tyan o magpigil ng pupu dahil oras ng trabaho at ayokong mangamoy ang CR ng di kagandahan. Wala akong lakas ng loob na magpasabog.

Kaya eto. 3-day diet plan ang papatusin ko. Sana umepekto. Kailangan ko ito para lumuwag ng konti ang aking uniform. Para maisuot ko din ang mga sexy kong damit noon. Di ko pa din kasi pinamimigay ang mga luma kong damit at pinagliitan. Sayang kasi. hekhek. Sa lagay na ito, umaasa pa talaga ako na magiging 25 or 26 ang bewang ko. Isa pa sa dahilan ay syempre ang health. Ayokong may nararamdaman na di maganda lalo na ang mga hypertension, taas ng chole...chole... cholesterol! At dagdag pa, para magandang tingnan. Figure na nakaka...witwheew!

Good luck ulit sa akin!