Nakakaalala pa pala sila

Alam mo yung creepy feeling kapag biglang nagpaparamdam ang mga taong matagal nang nawala sa isip mo? Na minsan mo lang maisip tapos all of a sudden, biglang magpaparamdam at mangungumusta as if kahapon mo lang sila huling nakausap?

Itong week na ito yun! Biglang magtetext at sasabihing gusto akong makita. Na gumagamit pa ng ibang tao para lang pansinin ko. O kaya naman kakausapin ako sa YM, mangungumusta at biglang magpapalipad-hangin kahit aminado siyang committed na. May ganun? Ang weird!

Masyado bang malakas ang pheromones ko? Umabot hanggang sa pagkalayo-layong lugar. Hanep!


Minsan tuloy natatakot ako na bigla na lang may susulpot sa harapan ko. O kaya naman bigla na lang may kung anong shocking revelations akong malaman. Wag naman sana, Dyuskopo! Tama na ang isang kagimbal-gimbal na balitang natanggap ko noon. At salamat sa Diyos at wala ni isa man sa "kanila" ang nagtangkang magtanong sa akin tungkol dun bukod sa nag-inform sa akin sa nangyari.

Pero bakit nga ba merong ganung pangyayari. Nagkakataon lang kaya na lahat ng tao sa aking past ay nagbabalik at magpapapansin? Nakaka-stress ha! Di carry ng beauty ko!

Paglipas ng week na ito, sana ay lumipas na din ang sangsang ng kung anumang chemical na umaalingasaw mula sa akin para malimutan nila ako. Subukan lang nila talagang magpakita sa akin at makakatikim sila ng flying kick ni Karate Klet. Ha ha ha! (pray...pray ... amen)