Sa Mall

Year end sale pa din sa SM (siguro sa ibang mall din.) Di na ganun kadami ang taong namimili. Wala nang siksikan...

Pero ewan ko ba naman kung bakit sa tinagal-tagal nang may mall dito sa Pilipinas ay parang di pa matuto-tuto ang mga pumapasok sa mall. Di ba masanay na kung may dala kang bag, kelangan mong buksan para mainspeksyon.


Pinapatagal lang kasi yung pagpasok at madaming napapatagal dahil lang sa di matuto-tutong mga tao.

Ano ba naman yung buksan mo na ang bag mo. Ipakita mo na ang laman. Tapos! May bomba ba yan? Tsk Tsk. Katamaran!

Anyway, nagpunta kami sa mall para bumili ng shoes ni Eds. Nakabili din ako. Mura lang. From 699 na naging 499 at ngayon, Php350 na lang!

Bumili din ako ng Piknik. Sarap!

Tumingin kami ng mga die cast cars sa Toy Kingdom. Wala akong nagustuhan.

Kumain din kami sa Buddy's Pizza. Pero di kami kumain ng pizza dun. Natakam ako dun sa Pork BBQ. Dapat Sizzling pork sisig na lang kasi mas gusto ko ang lasa nya. Hmm sa susunod hekhekhek. Nabusog naman kami. Sa sobrang busog nahihilo na ako at masakit ang ulo waheheheheh.

Naglakad ako pauwi dahil wala nang jeep papasok sa village namin (huhuhu.) Dun ako sa highway bumama at pumasok sa iskinita. Ihing-ihi na ako grabe! Umaambon pa at malamig ang ihip ng hangin (torture!) Buti na lang nakaya kong i-hold yung wiwi kung hindi basang-basa ako--hindi sa ulan kundi sa wiwi waheheheheh.