Sabi ko di muna ako mag-iinternet...

Sabi ko kanina kay AZ na di muna ako mag-iinternet o magcocomputer.

Kung titingnan ang buong kwarto ko, ilang buwan ko na itong napabayaan dahil lagi na lang akong nakatutok sa laptop kong mabagal (pero dependable naman!) Di ako nakakapaglinis, nakakapaglagay ng matinong bedding, o makapagtabi man lang ng pinagbihisan o pinagtanggalan ng sapatos. In short barubal na ang kwarto ko (kahit naman nga pala noon magulo na to hehe)


Ngunit, subalit, datapwa't naging marupok ako sa tawag ni lappy toppy. Pagpasok ko pa lang sa kwarto ko ay binuksan ko na agad ang computer na to at nagdudutdot na ng walang humpay. Naging marupok po ako. Patawad.

Sa isang banda, naging maganda din naman at ako ay maagang makakatulog (siguro) dahil nga nakapagpost na ako (dito lang.) Maya-maya ay haharapin ko na ang paglilinis ng kwarto at baka naman dagain na ako dito.

Yun lang muna at paalam!