Anniversary?

Napapaisip ako everytime na may nagpopost tungkol sa anniversary o birthday ng kani-kanilang mga blog. Kelan nga ba ang Bertdey ni Klet Makulet?



Sinilip ko yung subscription ko ng domain ng kletmakulet.com at November 27 2008 pa pala ito. April naman yung una kong post. Bata pa kung tutuusin kumpara sa mga bigating bloggers out there (yes, English!) Pero kelan nga ba ako nagsimulang mag-blog? Napost ko na yata ito noon. Ikukwento ko pa ba? Pilitin mo muna ako! (after 1 second) Sige na nga! Kukuwento ko na! (Papilit pa eh no?!)

Di pa yata uso ang Friendster noon sa Pinas o di pa ito sikat, mga 2003 or 2004 ay nagboblog na ako. di pa naman ako matanda pero maaga lang akong natutong magblog. At tulad ng dati, ganun pa din ako, walang kwenta. Basta kung anu-ano lang. Di pa ako marunong mag-forum noon kaya online journal na ang kinakarir ko.

Nagboblog ako noon una dahil ininvite ako ng friend ko na mag-online journal na lang; ikalawa, ayoko nang nakakalat ang mga diaries (oo nagdidiary ako may angal?) ko at nabubuklat ng mahal kong nanay na kutkutera; ikatlo, para kunwari in ako; ikaapat, para makapagtago ng sikwets online. Kamalas-malasan nga lang, may kung sinong mahadero't mahaderang nag-chuchu sa nanay ko at sinabi ang address ng blog ko (noon) at nawalan ako ng gana at natakot na din na baka mabunyag ang aking mga pinakatago-tagong dark secrets!!!

Para akong playgirl na papalit-palit ng blog. Lampas sampu na siguro ang nagawa ko. Kadalasan ay tungkol sa sarili ko (tulad nito) at yung iba naman ay mga pang-entertainment o pang charing lang. At lahat ng blog ko ay puro pseudonym ang gamit ko.

At bumalik tayo sa una kong tanong... kelan nga ba ang anniversary o birthday ng blog ko? Ang sagot? Ewan ko. baka may makatulong sa akin. Di ako makapag-decide. Siguro April na lang (di daw makapag-decide hehehe)

Wala man akong pakulo, sana may bumati din sa birthday ng blog ko. Pero matagal pa yun tapos after noon ay birthday ko naman. Saka na ako magpapaulan ng papremyo pag mayaman na si me. Sa ngayon, basa na lang muna si you. Okies?