Sa Jeep: Upong Syete na!

Nakasakay ka na ba ng jeep? Olats ka pag di pa o sosyal ka lang talaga at di mo na kailangan pang sumakay ng jeepney, tumabi sa mga di pa naliligo, mangamoy usok at magkaroon ng libreng pulbos mula sa alikabok ng daan.

Pag sumasakay ng jeep at punuan, tandaan lang sana ng mga kalalakihan at pati na din ng mga kababaihan na nagpapaka-bayani, na wag na pong umusog (mag-move) going outward ang puwitan sa upuan (hirap ipaliwanag) kasi lalo lang sisikip ang uupuan ng inyong tinutulungan.

I-move na lang ang mga binti upang magkaroon ng space para sa bagong uupo. Katulad na lang kanina yung manong ay umusog pa na kapantay ang upo sa mga hita, e di nasikipan lalo ako. Tapos nagtaas pa sya ng kamay, nahilo pa tuloy ako. Waheheheheh

Naalala ko nung elementary ako. Puno na ang jeep pero kailangan ko nang umuwi dahil gabi na (takot akong mapagalitan lalo ng nanay ko.) Pinilit kong isiksik ang katawan ko sa mga pasaherong nagsisiksikan na. Ewan ko ba kung bakit walang gumagalaw para medyo bigyan naman ako ng konting space. Ang ginawa ko, since di naman ako pwedeng sumabit sa jeep dahil nakapalda ako, umupo ako sa sahig (Imagine that!) Paksyet kasi yang mga matatandang di marunong magbigay ng konting lugar eh. Buti na lang at may isang girl na kinurot ang boyfriend at siyang pinaupo sa sahig at ako sa upuan (hekhek joke lang), I mean yung lalake ay pinasabit na lang. Salamat sa kanila.


Sa lahat ng mga nakasakay sa jeep, tandaan lang sana na ang upuan ay di para sa gamit, sa anak na walang bayad (lalo na pag punuan, Husmiyo! paupuin nyo ang nagbabayad!) at wag patagilid umupo dahil syete pesos lang ang binayad nyo!

Utang na loob din sana, kung di pa kayo naliligo, wag magtaas ng kamay, nakaka-himatay. Sa driver, wag lang pa-sweet lover, sana sweet din amoy mo. Sa mga nagyoyosi, may araw din kayo! waheheheh kainis lang kasi bagong ligo ka tapos yoyosi sa tabi mo. Sarap upakan. Di pa marunong magbasa, NO SMOKING pero smoke ng smoke mga insekto!

Yun lang... wahehhehe buti na lang at syete na lang at di na seven-fifty ang pamasahe no? :P